रामनाथ कोविंद

एनडीए के राष्ट्रपति उमीदवार

रामनाथ कोविंद (जनम 1 अक्टूबर 1945) भारत के मौजूदा आ 14वाँ राष्ट्रपति बाने। एकरे पहिले कोविंद बिहार के राज्यपाल[2] आ राज्य सभा में सांसद भी रह चुकल बाने। तारीख 25 जुलाई 2017 के कोविंद भारत के राष्ट्रपति पद के सपथ लिहलें।[3]

रामनाथ कोविंद
रामनाथ कोविंद
भारत के 14वाँ राष्ट्रपति
पद पर मौजूद
पदभार लिहल गइल
25 जुलाई 2017
परधानमंत्री नरेंद्र मोदी
Vice President मोहम्मद हामिद अंसारी
इनसे पहिले प्रणब मुखर्जी
बिहार के राज्यपाल
पद पर रहलें
16 अगस्त 2015 – 20 June 2017[1]
इनसे पहिले केशरी नाथ त्रिपाठी
इनके बाद केशरी नाथ त्रिपाठी
राज्यसभा सांसद
पद पर रहलें
1994 - 2006
निजी जानकारी
जनम 1 अक्टूबर 1945 (1945-10-01) (उमिर 72)
डेरापुर, संजुक्त प्रांत, ब्रिटिश भारत
नागरिकता भारत
राष्ट्रीयता भारतीय
राजनीतिक पार्टी भारतीय जनता पार्टी
जीवनसाथी सविता कोविंद
संतान
  • प्रशांत कोविंद (बेटा)
  • स्वाती कोविंद (बेटी)
पढ़ाई बीकॉम, एलएलबी
महतारी संस्था कानपुर विश्वविद्यालय
अकुपेशन वकालत, राजनीति

कोविंद एक ठो दलित नेता हवें आ भारतीय जनता पार्टी के नेता हवें। कोविंद दिल्ली में वकील रहलें। राजनीतिक कैरियर के बात कइल जाय त कोविंद उत्तर प्रदेश राज्य से राज्यसभा में सांसद रह चुकल बाने। 19 जून 2017 के भाजपा अध्यक्ष अमित शाह इनके एनडीए के राष्ट्रपति उमीदवार के रूप में नामित कइल जाए के घोषणा कइलेन।[4][5]

बिसयसूची

जिनगीसंपादन

रामनाथ कोविंद के जनम 1 अक्टूबर 1945 के ब्रिटिश भारत के संजुक्त प्रांत (अब उत्तर प्रदेश) के कानपुर जिला (अब कानपुर देहात जिला) में भइल।[2] कोविंद एक ठो दलित परिवार से हवें। कानपुर यूनिवर्सिटी से बीकॉम आ एलएलबी के पढ़ाई कइलें।[2]

कोविंद के बियाह 30 मई 1974 के सविता कोविंद से भइल[2] आ इनके एक ठो लड़िका प्रशांत आ एगो बेटी स्वाति बा लोग।[5]

कैरियरसंपादन

 
बिहार में एक ठो समारोह के दौरान नरेंद्र मोदी के साथे मंच पर कोविंद

वकीलसंपादन

कोविंद वकालत खातिर दिल्ली के आपन करमभूईं चुनलें आ दिल्ली हाई कोर्ट में 1977 से 1979 तक केंद्र सरकार के वकील रहलें। साल 1980 से 1993 तक केंद्र सरकार के स्टैंडिग काउंसिल में भी रहलें।[6][2] कोविंद दिल्ली हाई कोर्ट आ सुप्रीम कोर्ट में 16 साल ले प्रैक्टिस कइलेन आ साल 1971 में दिल्ली बार काउंसिल खातिर नामांकित भइल रहलें।

राजनीतिसंपादन

कोविंद भारतीय संसद के राज्यसभा में दू टर्म खातिर सांसद रह चुकल बाने। उनके राज्य सभा में उत्तर प्रदेश के ओर से चुनल गइल। पहिला सांसद कार्यकाल 1994 में सुरू भइल जे 2000 ले रहल आ दूसरा कार्यकाल 2000 से 2006 ले रहल।[2] अपना 12 साल के सांसद कार्यकाल में ऊ कई ठे संसदीय समीति सभ के अध्यक्ष भी रहलें।

राष्ट्रपति चुनावसंपादन

19 जून 2917 के भारतीय जनता पार्टी के अध्यक्ष अमित शाह इनके राष्ट्रपति चुनाव, 2017 खातिर नेशनल डेमोक्रेटिक एलायंस (एनडीए) के उमेदवार के रूप में नामांकित करे के घोषणा कइलें।[5]

तारीख 17 जुलाई के राष्टपति के चुनाव खातिर वोटिंग पूरा भइल आ 20 जुलाई के वोट के गिनती कइल गइल आ रिजल्ट घोषित कइल गइल जेह में कोविंद बिजई घोषित कइल गइलें। 25 जुलाई से कोविंद के कार्यकाल सुरू भइल।

इहो देखल जायसंपादन

संदर्भसंपादन

  1. "Press Releases Detail – The President of India"; presidentofindia.nic.in. 
  2. 2.0 2.1 2.2 2.3 2.4 2.5 "Brief Profile of H.E the Governor of Bihar, Shri Ram Nath Kovind" [बिहार के गवर्नर राम नाथ कोविंद के संछिप्त प्रोफाइल] governor.bih.nic.in (अंग्रेज़ी मे); बिहार सरकार; पहुँचतिथी 19 जून 2017. 
  3. http://indianexpress.com/article/india/ram-nath-kovind-swearing-in-live-updates-india-14th-president-rashtrapati-bhawan-pranab-mukherjee-narendra-modi-4765871/
  4. "रामनाथ कोविंद होंगे एनडीए के राष्ट्रपति उम्मीदवार"; dw.com/hi (हिन्दी मे); डायेच विले; 19 जून 2017; पहुँचतिथी 19 जून 2017. 
  5. 5.0 5.1 5.2 "रामनाथ कोविंद के बारे में क्या क्या जानते हैं?" [रामनाथ कोविंद के बारे में का जानत बानी?] bbc.com (हिन्दी मे); बीबीसी हिंदी; 19 जून 2017; पहुँचतिथी 19 जून 2017. 
  6. "Alphabetical List Of Former Members Of Rajya Sabha Since 1952"; rajyasabha.nic.in (अंग्रेज़ी मे); राज्यसभा; पहुँचतिथी 19 जून 2017.