नेहा कक्कड़

नेहा कक्कड़ (जनम 6 जून 1988) एगो भारतीय गायिका बाड़ी। गायिका के रूप में कक्कड़ 2006 में भारतीय टीवी शो इंडियन आइडल के सीजन 2 में भागीदार रहली आ सुरुआती कुछ दौर के बाद बाहर हो गइल रहली। 2014 में ई कामेडी सर्कस के तानसेन नाँव के प्रोग्राम में देखलाई पड़ली जे सोनी टीवी पर परसारित भइल। ज़ी टीवी के कार्यक्रम, सा रे ग म पा के लिल चैंप्स में जज के भूमिका में रहली।

साल 2008 में, ई आपन पहिला एल्बम निकलली, नेहा-दि रॉक स्टार, एकर म्यूजिक कंपोजर मीत ब्रदर्स रहलें। कक्कड़ के गावल गाना सभ में हनी सिंह के साथै "सन्नी सन्नी", "मनाली ट्रांसे", "आओ राजा", मेइयांग चांग के साथे "धातिंग नाच", "लंडन ठुमका", "हान्जू", आ गिप्पी ग्रेवाल के साथै "पट्ट लेंगे" प्रमुख बाड़ें।