साइबेरिया

साइबेरिया (अंग्रेजी: Siberia /saɪˈbɪəriə/) एगो बिसाल भूगोलीय प्रदेश हवे जेह में पूरा उत्तरी एशिया आवे ला, पच्छिम में यूराल परबत से ले के पूरुब में प्रशांत महासागर के किनारे ले के जमीनी हिस्सा एह प्रदेश में सामिल बा। 16वीं सदी के बिचला समय के बाद से ई भूगोलीय प्रदेश रूस देस के हिस्सा बा, ओह दौर के बाद से जब रूस के लोग यूराल परबत के पूरुब ओर के हिस्सा पर आपन अधिकार जमा लिहल। साइबेरिया बहुत बड़हन बिस्तार वाला एरिया हवे आ इहाँ बहुत बीरर आबादी बाटे; 13.1 मिलियन (1 करोड़ 31 लाख) वर्ग किलोमीटर के क्षेत्रफल वाला एह इलाका में रूस के कुल आबादी के लगभग पाँचवाँ हिस्सा निवास करे ला। नोवोसिबिर्स्क आ ओम्स्क एह प्रदेश के सबसे बड़हन शहर बाने।

Siberia Сибирь
Geographical region
Siberian Federal District        Historical Russian Siberia        North Asia, greatest extent of Siberia
Coordinates: 60°0′N 105°0′E
Continent	North Asia
Country	Russia
Parts	Western Siberia Eastern Siberia Russian Far East
Area
• Total	13,100,000 किमी2 (5,100,000 बर्ग मील)
Population  (2017)
• Total	33,765,005
• Density	2.6/किमी2 (6.7/बर्ग मील)
Demonym	Siberians

साइबेरिया भूगोलीय आ इतिहासी प्रदेश हवे न कि कौनों राजनीतिक भा प्रशासनिक इकाई, एही कारन एकर कौनों एकदम सटीक निर्धारित जमीनी चौहद्दी नइखे। परंपरागत रूप से, पच्छिम में यूराल परबत से ले के पूरुब में प्रशांत महासागर तक ले के हिस्सा के सगरी अइसन नदी बेसिन जिनहन के पानी आर्कटिक महासागर में गिरे ला, साइबेरिया के रूप में परिभाषित कइल जालें। येनिसी नदी साइबेरिया के दू हिस्सा में बाँटे ले, पच्छिमी आ पुरबी। एह तरीका से साइबेरिया उत्तर में आर्कटिक सागर से ले के दक्खिन में कजाकिस्तान के पर्बतीय हिस्सा, आ चीन आ मंगोलिया के परबती हिस्सा तक ले बिस्तार वाला इलाका हवे। साइबेरिया के बिचला हिस्सा (सेंट्रल साइबेरिया, जेकरा पच्छिमी आ पूरबी साइबेरिया आर्थिक प्रदेश के रूप में जानल जाला) सोवियत यूनियन के कोर (केंद्रीय महत्व के) इलाका मानल जाय। एह कोर एरिया के पच्छिम के हिस्सा के यूराल प्रदेश आ पूरुब वाला हिस्सा के रूसी सुदूर पूर्ब (रसियन फार ईस्ट) के रूप में जानल जाय।