स्पैमिंग (अंगरेजी: spamming) इंटरनेट पर अइसन सनेसा भेजे के काम हवे जे कौनों परचार के नीयत से, धोखाधड़ी करे खातिर, चाहे अउरी कौनों खराब नीयत से भेजल जाय। अइसन सनेसा सभ के स्पैम कहल जाला। सभसे बेसी चलनसार स्पैमिंग ईमेल स्पैमिंग बाटे, हालाँकि, अउरी कई तरीका बाड़ें जिनहन से अइसन फालतू आ जबरी के मैसेज भेजल जा सके लें। एकरे अलावा दुसरे वेबसाइट आ ब्लॉग नियर चीज सभ में कमेन्ट क के चाहे अउरी कौनों तरीका से आपन परचार वाली लिंक जोड़ल स्पैमिंग में आवे ला।

ईमेल इनबॉक्स के एगो स्क्रीनशॉट
एगो ईमेल इनबाक्स जेह में ढेर सारा स्पैम मैसेज बाड़ें