हाइपरलिंक

कंप्यूटिंग में, हाइपरलिंक (अंग्रेजी: hyperlink) एगो अइसन लिंक भा कड़ी होला जेकरा के क्लिक क के भा टैप क के या फिर ओकरे ऊपर माउस के प्वाइंटर घुमिरा के (हूवर क के) दुसरे डेटा पर जाइल जाल सके ला। हाइपरलिंक के क्लिक भा टैप क के जवना आँकड़ा पर (ई पन्ना या डाकुमेंट हो सकेला) चहुँपल जाला ऊ ओह हाइपरलिंक के टारगेट कहाला। हाइपरलिंक कौनों एगो पूरा सिंगल डाकुमेंट पर टारगेट कइल हो सके ला, भा एकरे कौनों बिसेस हिस्सा पर भेजे वाला हो सके ला। हाइपरलिंक कड़ी के रूप में जवन पाठ देखाई पड़े ला ओह पाठ के हाइपरटेक्स्ट कहल जाला। टारगेट वाला जगह पर जवना पाठ से हाइपरलिंक जुड़त होला ओह पाठ के एंकर टेक्स्ट कहल जाला।

प्रकार

एचटीएमएल

हाइपरटेक्स्ट मार्कअप लैंगुएज भा एचटीएमएल (HTML) सभसे प्रचलित हाइपरलिंक हवे जे ज्यादातर वेबसाइट सभ पर कड़ी बनावे खातिर इस्तेमाल होला।

एक्सलिंक

ई एचटीएमएल से बेहतर फंक्शन वाला हाइपरलिंक होला। एकर मतलब हवे हाइपरलिंक इन एक्सएमएल।

विकि में

विकि सभ में भी एक पन्ना से दुसरे पन्ना पर जाए खाती कड़ी होला। एह किसिम के हाइपरलिंक सभ के विकिलिंक भा विकिकड़ी कहल जाला। इनहन के तीन प्रकार में बाँटल जाला:

• इंटरनल विकिकड़ी भा इंट्राविकि कड़ी
• इंटरविकि कड़ी
• एक्सटर्नल लिंक (बाहरी कड़ी)