इरीट्रिया के पठार
इरीट्रिया के पठार चाहे इरीट्रियाई हाइलैंड्स (Eritrean Highlands) अफिरका महादीप के इरीट्रिया देस के बिचला हिस्सा में मौजूद पहाड़ी इलाका हवे। ई दक्खिन में मारेब नदी के द्वारा सीमा वाला हवे आ भूबिज्ञान के हिसाब से इथियोपिया के पठार के उत्तरी बिस्तार हवे[1] जे इरीट्रिया देस में पड़े ला। एह इलाका में भारी मात्रा में बनबिनास देखे के मिलल बा, खासतौर से उपनिवेशी काल में जे 19वीं सदी के पछिला दौर में शुरू भइल। एही कारन इहाँ बन के बिनास आ ओकरे चलते माटी के कटाव आ बिनास के समस्या सभसे प्रमुख बाटे। साथे-साथ जवन इलाका सहेल के दक्खिन में पड़े ला ओहिजे रेगिस्तानीकरण के आ अक्सरहा सूखा पड़े के खतरा बाटे। अउरी बाकी उष्णकटिबंधी इलाका सभ नियन, इहो ऊँच पहाड़ी इलाका साल भर में दू किसिम के सीजन वाला होखे ला, जून से सितंबर ले इहाँ बरखा के सीजन होला आ सितंबर से जून ले सूखा सीजन होला। 2,340 मी (7,677 फीट) के ऊँचाई पर मौजूद अस्मारा शहर के बात कइल जाव तब एहिजा औसत तापमान लगभग 16 °C रहे ला आ अउरी इलाका सभ में ई 10 °C से 25 °C के बीचा में रहे ला।[2]
इहो देखल जाय
संपादन करींसंदर्भ
संपादन करीं- ↑ "Isolation: the Ethiopian and Eritrean Highlands". African Civilizations: An Archaeological Perspective: 111–148. 2015. doi:https://doi.org/10.1017/CBO9780511997617.006.
{{cite journal}}: Check|doi=value (help); External link in|doi= - ↑ Mussie Tesfagiorgis G. (2010). Eritrea. ABC-CLIO. pp. 10–11. ISBN 978-1-59884-232-6.
 | ई अफिरका के जगह भा भूगोल से संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |