उत्तर प्रदेश के प्रशासनिक खंड

उत्तर प्रदेश के प्रशासनिक बिभाजन सभ में सभसे ऊपरी स्तर पर मंडल बाने, एकरा बाद क्रम से जिला[1], तहसील आवे लें। तहसील के भी उपबिभाजन ब्लाक (बिकासखंड) में होला, बाकी ई इकाई मुख्य रूप से बिकास सम्बन्धी कामकाज खातिर बाने।

उत्तर प्रदेश के मंडल सभ नकशा पर

वर्तमान में, उत्तर प्रदेश में कुल 18 गो मंडल, 75 गो जिला, आ 822 ब्लाक बा।[2]

मंडल या कमिश्नरी के प्रशासनिक मुखिया कमिश्नर (मंडलायुक्त) होलें आ पूरा मंडल में कानून ब्यवस्था आ जमीन के लगान (रेवेन्यू) वसूली के जिम्मेदारी इनहीं के होला। कमिश्नर लोग भारतीय प्रशासनिक सेवा (आइएएस) के सीनियर अधिकारी होला लोग आ परमोशन के बाद एह पद पर पहुँचे ला।

जिला के जिलाधीश (डीएम या कलेक्टर) होलें। वास्तव में सरकारी कामकाज के बँटवारा के कारण एकही ब्यक्ति के ई तीनों पद के अनुसार तीन गो नांव से बोलावल जाला। रेवेन्यू संबंधी काम करे पर इनहीं लोग के कलेक्टर कहल जाला, आ न्याय संबंधी काम के समय डिस्ट्रिक्ट मजिस्ट्रेट (डीएम)।

तहसील स्तर पर डिप्टी कलेक्टर (जेकरा के एसडीएम भी कह दिहल जाला) आ तहसीलदार लोग मुख्य अधिकारी होला।

लिस्टसंपादन

मंडल मुख्यालय जिला सभ नकशा
आगरा मंडल आगरा
अलीगढ़ मंडल अलीगढ़
प्रयागराज मंडल प्रयागराज
आजमगढ़ मंडल आजमगढ़
बरेली मंडल बरेली
बस्ती मंडल बस्ती
चित्रकूट मंडल चित्रकूट
देवीपाटन मंडल गोंडा
अयोध्या मंडल अयोध्या
गोरखपुर मंडल गोरखपुर
झाँसी मंडल झाँसी
कानपुर मंडल कानपुर
लखनऊ मंडल लखनऊ
मेरठ मंडल मेरठ
विन्ध्याचल मंडल मीरजापुर
मुरादाबाद मंडल मुरादाबाद
सहारनपुर मंडल सहारनपुर
वाराणसी मंडल वाराणसी

इहो देखल जायसंपादन

संदर्भसंपादन

  1. "Welcome to Official Web Site of Uttar Pradesh Government". Up.gov.in. 1967-10-02. पहुँचतिथी 4 मई 2017.
  2. Jagran Josh (2013-06-18). "Uttar Pradesh: Administrative Structure". Jagranjosh.com. पहुँचतिथी 2017-05-04.

बाहरी कड़ीसंपादन