उत्तर प्रदेश के मंडल सभ के लिस्ट

उत्तर प्रदेश के प्रशासनिक बिभाजन सभ में सभसे ऊपरी स्तर पर मंडल बाने, इसके बाद क्रम से जिला^[1], तहसील आवे लें। तहसील के भी उपबिभाजन ब्लाक (बिकासखंड) में होला, बाकी ई इकाई मुख्य रूप से बिकास सम्बन्धी कामकाज खातिर बाने।

वर्तमान में, उत्तर प्रदेश में कुल 18 गो मंडल, 75 गो जिला, आ 822 ब्लाक बा।^[2]

मंडल या कमिश्नरी के प्रशासनिक मुखिया कमिश्नर (मंडलायुक्त) होलें आ पूरा मंडल में कानून ब्यवस्था आ जमीन के लगान (रेवेन्यू) वसूली के जिम्मेदारी इनहीं के होला। कमिश्नर लोग भारतीय प्रशासनिक सेवा (आइएएस) के सीनियर अधिकारी होला लोग आ परमोशन के बाद एह पद पर पहुँचे ला।

जिला के जिलाधीश (डीएम या कलेक्टर) होलें। वास्तव में सरकारी कामकाज के बँटवारा के कारण एकही ब्यक्ति के ई तीनों पद के अनुसार तीन गो नांव से बोलावल जाला। रेवेन्यू संबंधी काम करे पर इनहीं लोग के कलेक्टर कहल जाला, आ न्याय संबंधी काम के समय डिस्ट्रिक्ट मजिस्ट्रेट (डीएम)।

तहसील स्तर पर डिप्टी कलेक्टर (जेकरा के एसडीएम भी कह दिहल जाला) आ तहसीलदार लोग मुख्य अधिकारी होला।

लिस्ट

मंडल	मुख्यालय	जिला सभ	नकशा
आगरा मंडल	आगरा	आगरा फिरोजाबाद मैनपुरी मथुरा
अलीगढ़ मंडल	अलीगढ़	अलीगढ़ एटा हाथरस कासगंज
प्रयागराज मंडल	प्रयागराज	प्रयागराज फतेहपुर कौशांबी प्रतापगढ़
आजमगढ़ मंडल	आजमगढ़	आजमगढ़ बालियाँ मऊ
बरेली मंडल	बरेली	बदायूँ बरेली पीलीभीत शाहजहाँपुर
बस्ती मंडल	बस्ती	बस्ती संत कबीर नगर सिद्धार्थनगर
चित्रकूट मंडल	चित्रकूट	बाँदा चित्रकूट हमीरपुर महोबा
देवीपाटन मंडल	गोंडा	बहराइच बलरामपुर गोंडा श्रावस्ती
अयोध्या मंडल	अयोध्या	अंबेडकर नगर बाराबंकी अयोध्या सुल्तानपुर अमेठी जिला ।गौरीगंज
गोरखपुर मंडल	गोरखपुर	देवरिया गोरखपुर कुशीनगर महाराजगंज
झाँसी मंडल	झाँसी	जालौन झाँसी ललितपुर
कानपुर मंडल	कानपुर	औरैया इटावा फर्रूखाबाद कन्नौज कानपुर देहात कानपुर नगर
लखनऊ मंडल	लखनऊ	हरदोई लखीमपुर खीरी लखनऊ रायबरेली सीतापुर उन्नाव
मेरठ मंडल	मेरठ	बागपत बुलंदशहर गौतम बुद्ध नगर गाजियाबाद मेरठ हापुड़
विन्ध्याचल मंडल	मीरजापुर	मीरजापुर संत रविदास नगर सोनभद्र
मुरादाबाद मंडल	मुरादाबाद	बिजनौर अमरोहा मुरादाबाद रामपुर संभल
सहारनपुर मंडल	सहारनपुर	मुजफ्फरनगर सहारनपुर शामली
वाराणसी मंडल	वाराणसी	चंदौली गाजीपुर जौनपुर वाराणसी