गंगा दशहरा
हिंदू तिहुआर
गंगा दशहरा एगो हिंदू तिहुआर हवे। हिंदू धर्म में गंगा नदी के देवी आ माता मानल गइल हवे आ अइसन मानल जाला कि एही दिन गंगा स्वर्ग से पृथ्वी पर उतरल रहली जेकरा के गंगावतरण कहल जाला। ई परब हर साल हिंदू कैलेंडर के हिसाब से जेठ महीना के अँजोर में दसिमी तिथी के मनावल जाला।[1] एह दिन लोग ब्रत रहे ला आ नहान-दान करे ला। कुछ जगहन पर ई दस दिन चले वाला परब होला जेह में दसिमी से पहिले वाला नौ दिन सामिल रहे ला। गंगा के तीरे बसल धार्मिक नगर सभ खाती एह दिन के खास महत्व होला आ हरिद्वार में हर की पौड़ी, ऋषिकेश, प्रयाग (इलाहाबाद), बनारस आ पटना में लोग गंगा नहान आ पूजा करे ला।
| गंगा दसहरा | |
|---|---|
 हर की पौड़ी, हरिद्वार में गंगा दसहरा, 2005 | |
| ऑफिशियल नाँव | गंगा दशहरा |
| मनावे वाला | हिंदू |
| प्रकार | धार्मिक (हिंदू धर्म) |
| महत्त्व | गंगा अवतरण |
| Observances | गंगा के पूजा आ गंगा में नहान (चाहे कौनों नदी में नहान) |
| समय | जेठ सुदी दसिमी |
| केतना बेर | सालाना |
मानल जाला कि एहि दिन गंगा में नहाए से दस गो पाप दूर हो जालें;[2] स्कंदपुराण के हवाला से इहो कहल जाला कि एहि दिन गंगा में अस्नान करे वाला के विष्णुलोक के प्राप्ती होखे ला।[1]
इहो देखल जाय
संपादन करींसंदर्भ
संपादन करीं- ↑ 1.0 1.1 पर्वतीय, लीलाधर शर्मा (1995). भारतीय संस्कृति कोष (हिंदी में). Rajpal & Sons. p. 262. ISBN 978-81-7028-167-2. Retrieved 9 जून 2022.
- ↑ संतोष, जी. के. (20 अप्रैल 2017). मोक्षदायिनी गंगा (हिंदी में). Diamond Pocket Books Pvt Ltd. ISBN 978-93-5261-650-3. Retrieved 9 जून 2022.
 | ई हिंदू धर्म-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |