पर्यावरणी गिरावट
पर्यावरणी गिरावट (Environmental degradation) चाहे पर्यावरणी क्षय, हवा, पानी आ माटी नियर प्राकृतिक संसाधन सभ के क्षय के कारण; इकोसिस्टम के बिनास; हैबिटाट बिनास; जंगली जियाजन्तु के बिनास; आ प्रदूषण पर्यावरण के गुणवत्ता में कमी हवे। पर्यावरणी गिरावट में कौनों भी अइसन बदलाव के शामिल कइल जा सके ला जवना क परभाव बिनासक या फिर अनचाहल होखे।[1]
पर्यावरणी गिरावट के यूनाइटेड नेशंस के खतरा, चुनौती आ बदलाव पर पैनल द्वारा सभसे प्रमुख दस गो खतरा सभ में गिनावल गइल बाटे। यूनाइटेड नेशंस के आफत-बिपत कम करे खातिर इंटरनेशनल रणनीति में पर्यावरणी गिरावट के "सामाजिक आ इकोलॉजिकल लक्ष्य आ जरूरत सभ के हासिल करे में पर्यावरण के क्षमता में कमी" के रूप में परिभाषित कइल गइल बा।[2] पर्यावरणी गिरावट भा पर्यावरणी क्षय कई रूप में हो रहल बाटे। प्राकृतिक पर्यावास (हैबिटाट) के बिनास होखे चाहे प्राकृतिक संसाधन सभ के क्षय होखे, पर्यावरणी गिरावट भा क्षय होखे ला। एह समस्या से लड़े खातिर पर्यावरणी सुरक्षा आ पर्यावरणी संसाधन मैनेजमेंट उपाय बाड़ें। खराब किसिम के मैनेजमेंट जवना से पर्यावरण के क्वालिटी में गिरावट आवत होखे पर्यावरणी संघर्ष आ संकट सभ के जनम देलें, बिभिन्न समुदाय सभ अइसन खराब मैनेजमेंट के खिलाफत क सके ला।
इहो देखल जाय
संपादन करींसंदर्भ
संपादन करीं- ↑ Johnson, D.L., S.H. Ambrose, T.J. Bassett, M.L. Bowen, D.E. Crummey, J.S. Isaacson, D.N. Johnson, P. Lamb, M. Saul, and A.E. Winter-Nelson. 1997. Meanings of environmental terms. Journal of Environmental Quality 26: 581-589.
- ↑ "ISDR : Terminology". The International Strategy for Disaster Reduction. 2004-03-31. Retrieved 2010-06-09.
the reduction of the capacity of the environment to meet social and ecological objectives, and needs.
 | ई पर्यावरण-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |