साउदी अरबियन एयरलाइंस
साउदी अरबियन एयरलाइंस जवने के साउदिया नाम से भी जानल जाला जेद्दाह में आइल बा और इ सऊदी अरब क ध्वजवाहिका वायुसेवा ह।[1] इ कंपनी आपन नाँव साउदी अरबियन एयरलाइंस (जवन की पहिले 1971 तक प्रयोग भइल और 1997 से पुनःप्रयोग कइल गइल) से आपन पुरान नाँव साउदिया (जवन की 1972 से 1996 तक प्रयोग कइल गइल रहे) से 29 मई 2012 के बदल लिहलस। इ नाँव क बदलाव कंपनी द्वारा ओ दिन स्काई टीम एयर एलाइंस गठबंधन से जुड़ले की उपलक्ष्य में कइल गइल रहे साथे साथ इ कंपनी क एगो विस्तृत रीब्रांडिंग क एगो हिस्सा भी रहे।इ सेवा मध्यपूर्व, अफ़्रीका, एशिया, यूरोप एवं उत्तरी अमरीका क लगभग 120 से अधिक गंतव्य स्थान खातिर सेवा उपलब्ध करावेले। एकरी अलावा रमज़ान एवं हज काल में इ अन्तर्देशीय एवं अन्तर्राष्ट्रीय चार्टर उड़ान भी संचालित करेले।[2]
इतिहास
संपादन करीं
1945 में जब अमरीकी राष्ट्रपति रूजवेल्ट किंग अब्दुल अजीज इब्न सऊद के डगलस डीसी-3 विमान तोहफा में दिह न तबसे ए देश में नागरिक उड्डयन सेवा की विकास क मार्ग खुल गइल। सितम्बर 1945 में ए देश क ध्वज वाहक विमान सेवा साउदिया, पूरा तौर पर सरकार नियंत्रित संस्था की तौर प साउदी अरबियन एयरलाइंस की नाँव से शुरू भइल।[3]
शुरुआत से अंत ले, जेद्दाह-कंदरा हवाईअड्डा जवन की टाउन सेण्टर की नजदीक आइल बा ए विमानसेवा क मुख्य बेस रहल ह। ओ समय की ब्रिटीश आदेश की तहत, जेद्दाह हज खातिर जाए के पेलेस्टाइन की ल्याडा (अब इजरायल में लोड) खातिर एगो विशेष विमानसेवा ए विमान कंपनी की शुरुआती सेवा में से एगो रहे।
ए विमान कंपनी क धीमा मगर लगातार वृद्धि 1950 ले जारी रहल और इस्तांबुल, कराची, अम्मान, कुवैत सिटी, अस्मारा तथा पोर्ट सूडान खातिर सेवा शुरू हो गइल। 1950 में पाँचगो DC-4s आ दसगो कन्वेयर 340s जहाज शामिल होखले की साथ एकर जहाजी बेड़ा में बढ़त भइल। 1959 में, ए विमानसेवा क पहिला मेंटेनेंस सेण्टर जेद्दाह में खुलल।
1962 में, एके दुगो बोईंग 720 विमान क डिलीवरी मिलल जेसे इ जेट विमान उड़ावे वाली चौथा मध्य पूर्व एयरलाइन बनल। 19 फरवरी 1963 के, साउदी अरब की किंग फैजल द्वारा कागजात प हस्ताक्षर कइले की बाद इ विमान कंपनी एगो स्वतंत्र कंपनी क अस्तित्व पवलस। एकरी बाद इ कंपनी शारजाह, तेहरान, खारर्तूम, मुंबई, ट्रिपोली, टुनिस, रबाट, जिनेवा, फ़्रंकफ़र्ट और लंदन खातिर सेवा शुरू कइलस।
1970 में एकर नया वेशभूषा क शुरुआत भइल। ए कंपनी क नाम 1 अप्रैल 1972 के साउदिया रखल गइल। इ एयरलाइन आपन पहिला बोईंग 747 क संचालन 1977 में शुरू कइलस जब इ मिडिल ईस्ट एयरलाइन से तीन गो जम्बो जेट लीज पर लिहलस और ओके लंदन की रास्ता पर तैनात कइलस।
1980 में विमान सेवा की आलावा साउदिया कैटरिंग सेवा क शुरुआत भइल।
8 ऑक्टोबर 2000 के, सऊदी रक्षा और विमान मंत्री प्रिंस सुल्तान बिन अब्दुलाज़िज़ अल सूद, साउदी अरबियन एयरलाइंस क निजीकरण से संबंधित अध्ययन खातिर करार पर हस्ताक्षर कई न।
एकरी तैयारी खातिर, ए कंपनी क कम महत्वपूर्ण इकाई जेमें शामिल रहे - साउदिया कैटरिंग, ग्राउंड हैंडलिंग सेवा और रख रखाव साथ में जेद्दाह क प्रिंस सुल्तान फ्लाइट एकेडमी – के पुनर्गठन की तहत व्यवासिक इकाई और लाभ की केंद्र में बदलले क तय कइल गइल।
संदर्भ
संपादन करीं- ↑ "Saudi Arabian Airlines Ground Services Company: Private Company Information". Businessweek. Retrieved 3 September 2012.
- ↑ "Saudi Arabian Airlines Flight Schedule". cleartrip.com. Archived from the original on 2017-08-18. Retrieved 8 फरवरी 2017.
- ↑ "Economy and Infrastructure" (PDF). Saudi Embassy. Retrieved 5 September 2014.
बाहरी कड़ियाँ
संपादन करीं
विकिमीडिया कॉमन्स पर Saudi Arabian Airlines से संबंधित मीडिया