मेहदी हसन

मेहदी हसन ख़ान (18 जुलाई 1927 – 13 जून 2012) एगो पाकिस्तानी ग़ज़ल गायक रहलें। अबिभाजित भारत के राजस्थान के लूणा गाँव में इनके जनम भइल; परिवार संगीत के पुराना घराना सभ में से एक रहल; संगीत सुरुआती शिक्षा परिवारे से मिलल आ बिभाजन के बा पाकिस्तान चल गइलें। रेडियो पाकिस्तान से गायकी के मोका मिलल आ ग़ज़ल गावे के प्रेरणा भी एहिजे से मिलल।

मेहदी हसन
जनम नाँव	मेहदी हसन ख़ान
पुकार नाँव	ख़ान साहिब शहंशाह-ए-ग़ज़ल شہنشاہِ غزل
जनम	18 जुलाई 1927 लूणा, राजपुताना एजेंसी, ब्रिटिश भारत
निधन	13 जून 2012 (उमिर 84) कराची, सिंध, पाकिस्तान
बिधा	शास्त्रीय संगीत ग़ज़ल प्लेबैक सिंगर
पेशा सभ	गायक संगीतकार
साज	गायक हरमुनिया
सक्रियता	1957–1999 (रिटायर)
वेबसाइट	mehdihassan.com

अपना कैरियर में मेहदी हसन बहुतन ग़ज़ल गवलें। इनका के एह बिधा में सभसे ऊँच दर्जा मानल जाला आ "शहंशाहे-ग़ज़ल" के उपाधि इनका के मिलल। एकरे अलावा खान साहब पाकिस्तानी फिलिम इंडस्ट्री में भी गायक के रूप में चोटी के कलाकार के रूप में रहलें। ग़ज़ल गायकी के दुनिया में ब्यापक करे खाती इनके बिसेस जोगदान मानल जाला। इनके परभाव बाद के कई गायक लोग पर पड़ल जेह में परसिद्ध ग़ज़ल गायक जगजीत सिंह आ फिलिमी गायक सोनू निगम नियर लोग सामिल बा।