शमाल
उतरही-पछुआ धूर भरल लोकल हवा जे ईराक आ फारस के खाड़ी के इलाका में बहे ले
शमाल (अंग्रेजी: Shamal)[1] ईराक आ फारस के खाड़ी के देसन (सऊदी अरब आ कुवैत शामिल बाड़ें) में बहे वाली गरम, धूर-धक्कड़ वाली लोकल हवा हवे। अरबी भाषा में शमाल भा शुमाल (अरबी: شمال) के अरथ होला उत्तर दिसा; ई हवा उत्तर आ उत्तर-पच्छिम दिसा से बहे ले। दिन में ई हवा तेज होखे ले जबकि रात में कुछ मद्धिम पड़ जाले।[2]
अधिकतर अइसन हवा गरमी के सीजन में बहे ले बाकी ई जाड़ा के सीजन में भी कब्बो-काल्ह बह सके ले। जून जुलाई के महीना में ई लगातार बहे ले।[1] एह लोकल हवा के परिणाम होला कि बड़हन पैमाना पर धूर भरल आन्ही नियर इस्थिति हो जाला; कई बेर ई कई सौ किलोमीटर के दूरी ले धूर आ बालू पहुँचा दे ले।[3] एह हवा में धूर आ रेत-बालू के मुख्य स्रोत जॉर्डन आ सीरिया के इलाका हवें।
इहो देखल जाय संपादन करीं
संदर्भ संपादन करीं
- ↑ 1.0 1.1 "shamal | wind current | Britannica". www.britannica.com (अंग्रेजी में). Retrieved 22 अप्रैल 2022.
- ↑ El-Baz, Farouk; R.M. Makharita (1994). Gordon and Breach Publishers (ed.). The Gulf War and the Environment. pp. 31–54, 178. ISBN 978-2-88449-100-6. Retrieved 2009-06-03.
- ↑ "Shamal Winds Drive Middle East Dust Storm". earthobservatory.nasa.gov (अंग्रेजी में). 25 जनवरी 2005. Retrieved 22 अप्रैल 2022.
 | ई जलवायु बिज्ञान/मौसम बिज्ञान–संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |